Эшонқишлоқ қишлоғи Шаҳрихон туманида жойлашган. XVI-XVII асрларда ушбу қишлоқ Ипак йўлида жойлашган бўлиб, бу қишлоқдан Олтиариқдан Балиқчи орқали Қашқарга ва Қашқардан Балиқчи орқали Олтиариққа қаландарларнинг йўли бўлган.

Қишлоқ кексаларининг таъкидлашича, Қўқон хони Шермуҳаммад Эшон (Офоқхўжа авлодларидан бўлган) буванинг ўғилларидан бўлган Сўфи эшон бувани Шаҳрихон тарафларга ер ўзлаштириш мақсадида юборган. Эшон бува муридларига ўзлари билан тол ёғочларини ўзлари яшаётган жойларга экиб боришни буюрган. Эшон қазо қилганда Эшонқишлоққа дафн қилинган.

Ушбу қишлоқлик Рахматилло Омонов яшаётган хонадонда 300 йиллик тут дарахти яхши ривожланиб, ўсиб-гуркираб турганига гувоҳ бўлдик. Хонадан соҳибини айтишича, ушбу тут дарахтини ҳам аждоди Сўфи эшон бува эккан экан.