ИБРОҲИМ ҲОЖИ УЙИ (меъморчилик ёдгорлиги)
Иброҳим ҳожи уйи 1993 йилда қурилган бўлиб, янги аниқланган моддий маданий мерос объекти ҳисобланади. Ушбу меъморчилик объекти фуқаро И.Шодибоевнинг ташаббуси билан вилоятдаги моддий маданий мерос объектлари рўйхатига киритилди. Ҳозирда уй-жой сифатида фойдаланилсада, бино замонавий ҳамда миллий меъморчилик услубида бунёд этилган.
АВЛИЁ НИКОЛАЙ ЧЕРКОВИ (меъморчилик ёдгорлиги)
Авлиё Николай черкови янги аниқланган моддий маданий мерос объекти ҳисобланади. Мазкур меъморчилик объекти тарихий аҳамиятга эгалиги ҳамда энг асосийси, юртимизда бирдамлик, ҳамжиҳатлик, миллатлараро тотувлик, турли миллат вакиллари билан дўстлик муҳитини янада ривожлантириш мақсадида вилоятдаги моддий маданий мерос объектлари рўйхатига киритилди.