АДВОКАТ РУБО ҚАРОРГОҲИ (меъморчилик ёдгорлиги)

XX асрга мансуб мазкур бино шаҳарнинг нуфузли адвокатларининг бюросини ташкил этиш мақсадида қурилган ва ушбу мақсадда фойдаланилган. Ҳозирда ушбу бинодан “Шифолойиҳа” масъулияти чекланган жамияти фойдаланиб келади.

ЭРКАКЛАР ГИМНАЗИЯСИ (меъморчилик ёдгорлиги)

Мазкур объект XX аср охирларида ўрта билим юрти сифатида қурилган бўлиб, сақланиш ҳолати яхши. Ҳозирда вилоят касб-ҳунар таълими бошқармаси маъмурий бино сифатида фойдаланмоқда.

КОММЕРСАНТ ҚАРОРГОҲИ (меъморчилик ёдгорлиги)

Классика ҳамда ротонда услубида қурилган бино бўлиб, собиқ Совет тузуми даврида турли давлат идоралари сифатида, мустақиллик йилларида эса шаҳар халқ таълими бошқармасининг маъмурий биноси сифатида фойдаланилган. 2009 йилдан буён бино фойдаланилмаганлиги сабабли авария ҳолатига келиб қолган.

Бинога кириш қисмидан темир ровот Россия давлатининг Санкт-Петербург шаҳридаги “Ёзги сарой” биносининг дарвозаси билан бир хил услубда, битта уста томонидан тайёрланган.