КУЮКТЕПА ҚАБРИСТОНИ

Наргиза Ҳайдарова,

Наманган вилояти

Учқўрғон тумани

Қурама қишлоғи.

Болалигимда ҳовлимиз рўпарасида баланд тепалик бор эди. У бизнинг Қурама қишлоғида қачон, қайси пайтда пайдо бўлганини аниғини  ҳеч ким билмайди. Ёдгорликнинг умумий майдони 1.28 гектардан иборат бўлиб, шарқий томонида Катта Андижон канали оқиб ўтади. Ёдгорлик Антик ёдгорлик бўлиб аторфи сув, яъни кўл билан ўралган бўларди.

У ерда дастлаб кўл билан ўралган шаҳар бўлган. Бу кўлга қадимги сув ўзани Ҳаққулобод ариғидан келган сув билан тўлдирилган.

Кейинчалик кўл ўрни тўлдирилиб юборилган. Одамларни айтишича бир замонлар у ерда босмачи ,деб аталган бизнинг мустақиллигимиз учун курашган ота-боболаримиз рус қўшниларидан ўзларини ҳимоя қилиш учун яшашган экан.

1966-1970 йилларда ленинградлик археолог олим Н. Г. Горбунова томонидан архелогик қазишма ишлари олиб борилди.

2005 йилларда А Анарбоев, Б. Рўзинов, Ш. Насриддиновлар томонидан тадқиқот ишлари олиб борилди.

Куюктепа қачон ва кимлар томонидан барпо этилганлигини билмайман-ку, аммо, ҳозирда у тепалик Куюктепа қабристони номи билан номланган у ерда минглаб қишлоқдошларимиз қабрлари бор.

Мен ҳар гал қишлоғимга борганимда Куюктепа тарихи билан қизиқардим ва бугун унинг тарихини сизларга тақдим этмоқдаман. Асрларни кўрган бу тепаликка 1938 йилларда маҳалла аҳолиси дафн этила бошлаган. Уруш пайтларида эса қочоқларга Куюктепа атрофидан жой беришган экан.

Ҳозирда ҳам у ер Қурама қишлоғи қабристони сифатида фойдаланилиб келинмоқда

Сендан келар асрларнинг садоси,

Сенда қолган мунис онам нидоси.

Сенда бобом ётган юртнинг доноси,

Куюктепа айтгин қандай сирларинг бор,

Йиллар ўтди, ўтди аср сен вафодор.

Ўтди аср, ўтди йиллар ёшлар қўшиб ёшингга,

Неча мардлар таъзим қилиб борар мудом қошинга.

Хурматим тупроқ, хатто, қаттиқ тошинга,

Куюктепа айтгин қандай сирларинг бор,

Йиллар ўтди, ўтди аср сен халқимга вафодор.

Аср ўтди, ўтди йиллар сен турасан мағрур ҳамон,

Сен мағрурсан тоғлар каби неча йиллар тур омон.

Куюктепа куяр дилим жигарларим бағрингда.

Куюктепа айтгин яна сени қанча сирларинг бор,

Йиллар ўтди, ўтди аср сен қолурсан вафодор.