Балиқчи туманида 20 дан ортиқ қадимий тепаликлар мавжуд бўлиб уларни ўрганиш орқали туман тарихи ҳақида қимматли маълумотлар олиш мумкин. Ҳозиргача ушбу тепаликлардан фақат Сортепа харобалари 1956-1958 ва 1974-1976 йилларда қисман ўрганилган.

Сортепа милоддан аввалги III-II асрлардан милодий VIII асргача гуллаб-яшнаган ҳудуд бўлган. Қадимий қалъа Буюк Ипак йўли чорраҳасида жойлашган. Бу ерда кулолчилик, темирчилик ва мисгарчилик билан бирга дехқончилик ва чорвачилик ҳам ривожланган ҳамда уларнинг савдоси йўлга қўйилган.

Ҳозирги кунга келиб маданий мерос объекти сифатида давлат рўйхатига киритилган. Сортепа тарихини чуқурроқ ўрганиш давр талаби эканлигини эслатиб ўтамиз.