МАДАНИЯТ ҚИШЛОҒИНИНГ ТАРИХИ
Маданият қишлоғи узоқ тарихга эга бўлиб, ІХ-Х асрларда, яъни араблар истилосидан кейин ташкил топган.
Қишлоқнинг асл номи Избоскан булиб, тарихий ривоятларда, Хўжатақсим авлиё ота из босиб келганлиги сабаб шу ном билан юритиб келинган. 1926 йил 29 сентябрда халқ вакилларининг Чувама қишлоғидаги йиғилишида Избосканни "Маданият" номи билан аташ ҳақида қарор қабул қилинган.
«МОЙЛИСОЙ» НОМИНИНГ КЕЛИБ ЧИҚИШИ ТАРИХИ
Қадимда ҳозирги Кӯктош шаҳрининг тепароғида, сув ёқасида бир булоқдан қора мой чиқиб, сойнинг сувига қўшилиб оқиб кетар эди. Одамлар ўша мойдан чироқ ёғи сифатида ҳам фойдаланганлар. Сойда балиқлар сероб бўлиб, овланган балиқ жағидаги тукларга, одамларнинг сойдан истеъмол учун сув олувчи челакларига доимий равишда мой-ёғ ёпишиб қолар эди. Шу сабабли сойни “Мойлисой” деб аташган.
